STOP!!!……doe moogst doa neet noa binne!

STOP!!!……doe moogst hie neet noa binne
Wat dinkste waal was te gees beginne
Hubst doe dat bord doa neet gezeen, hast doe geen ooge in de kop….
Ich zik dich toch, ich zik noe………STOP!!!

Hey, doe ins rustig, witste waal wae ich bin
Missjien das´te mich nog neet kins
Ich bin inne bergloper, inne vrundj van der berg!
Wen ich neet noa binne kin, dan ving ich dat erg

Doe bis maar ee burdje, dat hilt mich neet teage
Van soe een bietje tekst, wear ich neet verlaege
Kiek…inne poort hilt mig taege, dae loat ich mit rust
Ich bin ginne krimineel en ooch ginne frust!

Maar see ich ee loak in de grondj, dan mot ich doa in
Dan doe ich mien lempke aan, dan hub ich weer zin
D´r berg is wie ee gesondj versjlaving
Ich hub dit nuedig vuur mien waekelijkse laving

Maak dich neet druk, ich maak nieks kapot
Blief euveral vanaaf, maak ut neet te zot
Ich loop alleen get rondj, geneet van de stillte
Blief neet lang zitte, krieg last van de killte

Noa soe un uurke of twié, is ut ooch in miene kop weer stil
En dat is noe precies wat ich wil
Noe kann ut weekend pas echt beginne
Maar… noa ee paar daag veul ich de kriebels weer va binne!

Frank